«Չափազանց հաճելի է այն զգացումը, որ այդքան մարդկանց դեռ դուր է գալիս քո խաղը դիտելը»,-խոստովանել է Ամավիսկան:
«Տպավորիչ ու հիշարժան հանդիպում ստացվեց»,-նշել է Սանտիլյանան: Ոչ միայն նա, այլև խաղին մասնակցած բոլոր վետերանները երջանիկ էին կրկին խաղադաշտում հայտնվելու, կրկին իրենց ֆուտբոլիստներ զգալու համար, իսկ այդ զգացումը նախ և առաջ ապահովեցին «Բեռնաբեուում» հավաքված երկրպագուները:
«Ռեալի» մյուս վետերանի`Լուիշ Ֆիգուի համար նմանատիպ միջոցառումներին մասնակցելը միշտ էլ հաճելի է: «Երկար ժամանակ էր, ինչ չէի տեսել նախկին թիմակիցներիս ու ընկերներիս, և սա կրկին հանդիպելու ու նույնիսկ միասին խաղալու հիանալի հնարավորություն էր: Իսկ ամենակարևորն այն էր, որ միահամուռ ուժերով կարողացանք օգտակար գործ անել կարիքավորների համար»: Նման մտքեր արտահայտեց նաև Ռիկարդո Գալյեգոն. «Փորձեցինք օգտակար բան անել նրանց համար, ովքեր իրոք ունեն մեր օգնության կարիքը»:
Տարիներն, իհարկե, իրենք հետքերը թողնում են մարդկանց վրա, սակայն լեգենդար այս ֆուտբոլիստները շարունակում են ցուցադրել իրենց որակներն ու անմար տաղանդը: «Իրականում այս խաղին մասնակցած ֆուտբոլիստներից շատերը ֆիզիկական լավ պատրաստականություն ցուցադրեցին: Սակայն, բնականաբար, այսպիսի հանդիպմանը մասնակցելը տարբերվում է մրցույթային խաղում պայքարելուց»,-նշել է Իվան Էլգյերան: «Ուրախ էի խաղընկերներից նորից հանդիպելու և այն մարդկանց հետ ծանոթանալու համար, որոնց միայն հեռուստացույցով էի տեսել»: Իսկ Սանտիլյանան այսպիսի խոսքեր ասաց. «Բավականին զվարճալի էր: Անցած տարի «Միլանի» հետ նման հանդիպում եղավ: «Բավարիայի» նախկին ֆուտբոլիստները պետք է խաղադաշտ դուրս գային հիշելով մի կարևոր փաստ ` «Բեռնաբեուում» հավաքված երկրպագուներին:
Խաղից հետո ամենագոհ ֆուտբոլիստներից էր Խոսե Էմիլիո Ամավիսկան. «Չափազանց հաճելի է այն զգացումը, որ այդքան մարդկանց դեռ դուր է գալիս քո խաղը դիտելը: Այժմ սկսում ես իսկապես վայելել խաղադաշտում անցկացրած ամեն րոպեն: Կրկին քեզ երիտասարդ ու առույգ ես զգում»: Ամավիսկան զարմացած չէր երկրպագուների այդպիսի ջերմությունից. «Ամեն անգամ, երբ նման խաղեր են անցկացվում, «Բեռնաբեուն» չափազանց ջերմ ընդունելություն է ցույց տալիս իր ֆուտբոլիստներին»:
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: