Սերխիո Կանալեսը հրաժարվում է խաղալ արտասահմանում: Նրա ներկայացուցիչները երեկ հանդիպել են «Ռեալի» գործադիր տնօրեն Խոսե Անխել Սանչեսի հետ` պարզելու Կանալեսի ճակատագիրը: Վերջինս արդեն հասցրել է մերժել «Շալկե 04-ի» առաջարկը, որտեղ կարող էր խաղալ Ռաուլի հետ:
Կանալեսի պլանների մեջ չի մտնում արտասահմանյան ակումբում հայտվելն ու Լա լիգայի փոխարեն ուրիշ առաջնությունում հանդես գալը: Այլ երկիր տեղափոխվել նշանակում է հարմարվել նոր մթնոլորտին, նոր կլիմային, օտար լեզվին և ոչ պակաս օտար խաղաոճին: Կանտաբրացի ֆուտբոլիստը միանշանակ որոշել է իր կարիերան շարունակել իսպանական որևէ ակումբում, խաղալ Լա լիգայում, մի առաջնությունում, որին լավ ծանոթ է և որի շրջանակներում է ձգտում ցուցադրել իր լավագույն որակներն ու աճել որպես ֆուտբոլիստ:
Սակայն Կանալեսի ներկայացուցիչներն ու ակումբի ղեկավարությունը երեկ կայացած հանդիպմանը ընդհանուր հայտարարի այդպես էլ չեն եկել, քանի որ կարծիքներն ու առաջարկությունները բավականին հակասական են եղել:
Լավագույն առաջարկները.
Այս պահի դրությամբ Կանալեսի հանդեպ հետաքրքություն են ցուցաբերում «Վիլյառեալն» ու «Վալենսիան»: Երկուսն էլ մասնակցում են եվրոպական մրցաշարերին, բարձր մակարդակի ակումբներ են, և Կանալեսը մտածում է այդ տարբերակների շուրջ:
Բացի այդ, կան խնդիրներ, որոնք պետք է լուծվեն երկու կողմերի միջև. դրանք տրանսֆերի մանրամասներն ու պայմաններն են: «Ռեալն» ու Կանալեսը ցանկանում են կետ մտցնել համաձայնագրի մեջ, ըստ որի Սերխիոն պետք է վերադառնա ակումբ 2012-13թ. մրցաշրջանին: Սակայն ոչինչ դեռ վերջնական որոշված չէ:
«Շալկե 04-ը» նույնպես հույսեր է կապում Կանալեսի հետ` թիմի հաջող մրցաշրջանից հետո ցանկանալով ավելի ուժեղացնել ներկայիս կազմը: Հիշեցնենք, որ «Շալկեն» այս մրցաշրջանում դարձավ Գեմանիայի գավաթակիր և Չեմպիոնների լիգայի կիսաեզրափակիչ փուլ հասավ:
Սակայն Սերխիո Կանալեսը հաստատապես որոշել է մնալ Իսպանիայում: Նա ցանկանում է աճել Լա լիգայում, «Ռեալի» երկրպագուների աչքի առջև և հարստացած խաղային փորձով վերադառնալ «արքայական» ակումբ:
Կանալեսը դասվում է իսպանիական ֆուտբոլի երիտասարդ տաղանդերի շարքին: «Ռեալը» 5 մլն. եվրո վճարեց «Ռասինգին» նրան ձեռք բերելու համար, և «արքայական» ակումում նրա հետ կապված հույսերը չեն մարում:
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: