Ըստ անգլիական “The Sun” պարբերականի, Խոսե Անխել Սանչեսը կրկին կապ է հաստատել «Արսենալի» ղեկավարության հետ այն բանից հետո, երբ Արսեն Վենգերն հայտարարել է, որ Ֆաբրեգասի համար նոր առաջարկներ չեն ստացվել:
Անգլիական ակումբը 50 մլն. եվրո է պահանջում Ֆաբրեգասի համար: «Ռեալը» շարունակում է հետաքրքրվել Սեսկ Ֆաբրեգասի տրանսֆերով, այդ իսկ պատճառով պարբերաբար կապ է հաստատում նրա ներկայիս ակումբի հետ` վերջինիս դիրքորոշումը պարզելու նպատակով:
Անգլիական լրատվամիջոցները վստահեցնում են, որ Խոսե Անխել Սանչեսը կրկին կապ է հաստատել «Արսենալի» ղեկավարության հետ այն բանից հետո, երբ Արսեն Վենգերն հայտարարել է, որ Ֆաբրեգասի համար նոր առաջարկներ չեն ստացվել: Բացի այդ, “The Sun”-ը նշում է, որ Ֆլորենտինո Պերեսը Ֆաբրեգասին համարում է «Բարսելոնի» դեմ հզոր զենք, որը գալիք մրցաշրջանում կարող է ապահովել իրենց թիմի առաջնայնությունը կատալոնական ակումբի նկատմամբ: «Ռեալի» նախագահը կարծում է, որ Սեսկը օգնելու է իր նոր թիմին հավասարազոր պայքար մղել չեմպիոնության համար:
Կա ևս մի տեղեկություն, ըստ որի «Արսենալը» «Ռեալին» խոստացել է, որ Ֆաբրեգասին չի վաճառելու անգլիական որևէ ակումբի, ինչի շնորհիվ իսպանացուն գնելու մրցակցությունը կայանալու է միայն «Ռեալի» ու «Բարսելոնի» միջև: Սական «Բարսելոնը» կարծես ի զորու չէ վճարել «Արսենալի» պահանջած գումարը, քանի որ ուկումբը ծրագրում է բարելավել իր ֆինանսական վիճակը: Ֆաբրեգասի տրանսֆերով հետաքրքվում էր նաև «Միլանը», սակայն իտալացիները ստույգ առաջարկներ չեն ներկայացրել նրա ներկայիս ակումբին:
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: