Թիմի պորտուգալացի գլխավոր մարզիչ Ժոզե Մոուրինյոն խաղից հետո տված ասուլիսում արտահայտեց իր բավարարվածությունը Զագրեբի «Դինամոյի» դեմ 6-2 հաշվով հաղթանակի կապակցությամբ:
«Տեսա, որ թիմս հաղթանակների քաղց է զգում: Շատ թիմեր ու ֆուտբոլիստներ չեն հարգում մարզական առումով ոչ մի նշանակություն չունեցող խաղերը և խաղում են միայն մեկ միավորի համար, սակայն իմ տղաները գործեցին մոտիվացված ու կենտրոնացված՝ անցկացնելով տպավորիչ ու արագ հանդիպում: Գերազանց խաղացինք»:
«Այն խաղացողները, ովքեր այս խաղում սկսեցին մեկնարկից, խաղացել էին համեմատաբար ավելի քիչ, քանի որ մյուսները խաղում են ավելի լավ, սակայն ես գիտեի, որ նրանք կարող են ապացուցել իրենց նվիրվածությունը՝ կատարած աշխատանքով: Նրանք հիանալի աշխատանք կատարեցին, և դա չզարմացրեց ինձ: Շատ կարևոր էր նրանց լավ խաղը, քանի որ բոլորս վայելեցինք այն: Նրանք էլ, ովքեր պահեստայինների նստարանին էին, ինձ հետ միասին մեծ հաճույք ստացան իրենց խաղընկերների անցկացրած խաղից»:
«Իմ տղաները սխալվելու իրավունք ունեին: Որոշ խաղացողներ հոգնած վիճակում էին, և այդ իրավիճակում խաղացողները կարող էին նաև պակասեցնել կենտրոնացումը: Դու կարող ես մի փոքր հանգստանալ, երբ հաղթում ես 6-0 հաշվով: Դա նորմալ է: Կարևորն այն է, որ մենք լուծել ենք հաջորդ փուլ անցնելու հարցը՝ տանելով 5 հաղթանակ, և որ մենք ունենք ամենից շատ՝ 15 միավոր. մենք նաև հիանալի արդյունավետություն ենք ցուցաբերում ու խփում ենք շատ գոլեր»:
«Մենք ադապտացանք հանգամանքներին ու խաղին: Ինձ շատ դուր եկավ Գրաներոյի ու Ալթինթոփի կատարած աշխատանքը: Խեդիրային հանգստանալու հնարավորություն տվեցի, բայց նրա խաղից էլ եմ գոհ: Լասանայից նույնպես: Մենք ունենք բոլոր խնդիրների ու պրոբլեմների պատասխաններն ու տարբերակները, որոնք կառաջանան մրցաշրջանի ընթացքում»:
«Բենզեման ու Իգուաինը շատ լավն են: Մենք ունենք երկու ֆանտաստիկ կենտրոնական հարձակվողներ: Կարիմը կարող է նաև խաղալ «10» համարի դիրքում, ինչպես նաև եզրերից մեկում: Ահա թե ինչու են նրանք երկուսն էլ խաղում ամեն խաղին. երբեմն միասին, կամ էլ մեկը՝ մյուսի փոխարեն: Նրանք երկուսն էլ իրոք ֆանտաստիկ են»:
«Շահինն այժմ իր միջմրցաշրջանն է անցկացնում: Սովորաբար միջմրցաշրջանը ֆուտբոլիստներն անցկացնում են ամռանը, սակայն նրա մոտ դա սկսվում է Նոյեմբերին: Դրա համար էլ նա մի փոքր կաղում է տամպի ու վստահության հարցում, և դա է պատճառը, որ դեռևս խաղում է ավելի քիչ ծանրաբեռնվածությամբ: Նա ցուցադրում է որակի նշաններ, որոնք իսկապես ունի, բայց միջմրցաշրջանը միշտ էլ միջմրցաշրջան է: Նա շատ է տառապել, և այս խաղը շատ լավ ազդեցություն կունենա նրա վրա: Ի վեջո, մենք պայմանագիր ենք ստորագրել Բունդեսլիգայի լավագույն ֆուտբոլիստի հետ: Նրանից սպասում ենք առաջընթացի, ինչի համար նրանից ժամանակ կպահանջվի: Նա պարզապես ժամանակի կարիք ունի: Մենք ուզում էիննք, որ նա մի փոքր քիչ խաղար սկզբում, բայց քանի որ խաղի կառավարումը ամբողջապես մեր ձեռքում էր, ես ասացի նրան , որ խաղադաշտում անցկացնի 90 րոպե՝ խաղալով նաև երկրորդ խաղակեսը»: 
«Կրիշտիանուն խաղացել է երկու փլեյ-օֆֆ հանդիպումներ Պորտուգալիայի հավաքականի հետ և հիանալի հանդիպում անցկացրել «Վալենսիայի» դեմ: Վերջին օրերին նա մեծ ծավալի աշխատանք էր կատարել և նորմալ էր նրան հանգիստ տրամադրելը: Մենք խոսեցինք խաղից առաջ և ես ասացի նրան, որ մենք չենք կարող մեզ թույլ տալ պարտվել այս խաղում ու ես մտադիր էի նրան տրամադրել 45 րոպե խաղալու համար, եթե երկրորդ կեսում մեր հաղթանակը որևէ կասկած հարուցեր, սակայն հիմնականում հակված էի նրան, որ նա չխաղար «Դինամոյի» դեմ: Ու քանի որ մենք շատ արագ կարողացանք գնդակներ խփել, նա ասաց, որ գիտակցում է, որ խաղադաշտ դուրս չի գա»:
«Անցյալ տարի ես ցույց տվեցի իմ մտահոգությունը Աբիդալի առողջության համար, ու դա կանեմ նաև հիմա՝ «Բարսելոնայի» մարզչի օգնականի՝ Տիտո Վիլանովայի համար: Ցանկանում եմ, որ արագ վերադառնա ֆուտբոլին ու իր ընտանիքին, ու ցանկանում եմ տեսնել նրան առողջ վիճակում դեկտեմբերի 10-ին կայանալիք կլասիկոյի ժամանակ: Ուրախ կլինեմ ողջունել նրան»:
Realmadrid.amRealmadrid.com
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: