Նեյմար.<Կուզեմ խաղալ Չեմպիոնների լիգայում>՝

Բրազիլիացի երիտասարդ ֆուտբոլիստը իսպանական AS պարբերականին տրված հարզացրույցում խոսել է իր ապագայի մասին: 

Ի՞նչ ես զգում Լիբերտադորեսի գավաթի պատասխան եզրափակչից առաջ: 

Ես շատ ուրախ եմ: Ներկա պահին ես ապրում եմ ոչ միայն իմ, այլ նաև «Սանտոսի» երկրպագուների համար: Պայքարը առաջնությունում շատ երկար էր: Եվ մենք հիմա հասել ենք եզրափակիչ, ուր 90 րոպեների ընթացքում կարող է պատահել ամեն-ինչ: Սա մեծ օր է, և ես ամեն ինչ կանեմ, որ այս խաղի ժամանակ ինձ դրսևորեմ լավագույն կողմերով: 

Դուք 19 տարեկանում Ձեզ համարու՞մ եք Ձեր երկրի լավագույն ֆուտբոլիստ: 

Ես հանգիստ մարդ եմ: Ես ոչ մի խնդիր չունեմ այս առումով: Ինձ նույնիսկ դուր է գալիս այն փաստը, որ ինձ սպասում են: Ես ֆուտբոլիստ եմ և անում եմ ամեն բան ինչ ինձ դուր է գալիս: Անհնար է առավել ուրախ լինել: 

Բացի ֆուտբոլ խաղալուց, ուրիշ ինչո՞վ զբաղվելն է Ձեզ դուր գալիս: 

Շատ ազատ ժամանակ չեմ ունենում, իսկ եթե ունենում եմ, սիրում եմ խաղալ վիդեոխաղեր իմ ընկերների և ընտանիքիս անդամների հետ: Ես սովորական մարդ եմ: 

Ի՞նչ եք կարծում, եկե՞լ է ժամանակը դեպի Եվրոպա մեծ քայլ կատարելու համար: 

Ես պայմանագիր ունեմ «Սանտոսի» հետ և ուրախ եմ այստեղ: Ես ուրախ եմ իմ երկրում, ինձ դուր է գալիս այստեղ ֆուտբոլ խաղալը: Իմ ընտանիքն էլ է իրեն ապահով զգում: 

Դուք այդ ամենը ի սրտե՞ ասացիք: 

Իրականում, հիմա իմ մտքերը միայն կապված են Լիբերտադորեսի գավաթում հաղթանակ տոնելու հետ: Եվ ես հաստատում եմ, որ ինձ այստեղ լավ եմ զգում, քանի որ իմ թիմի երկրպագուների ուրախությունը իմ ուրախությունն էլ է: 

Իսկ ե՞րբ կգա Եվրոպա տեղափոխվելու ժամանակը:

Թե ապագայում ինչ կլինի ինձ հետ, հայտնի է միայն Աստծուն: Դա կարող է լինել վաղը, երկու կամ հինգ տարի անց: Դա ոչ ոքի հայտնի չէ, միայն Աստված գիտի: 

Եվրոպայում ո՞ր ակումբներն են Ձեզ դուր գալիս:

«Ռեալ Մադրիդը» և «Բարսելոնան»: 

Ռոբինյոն համարվում է Ձեր կուռքը, ի՞նչ հիշողություններ ունեք նրա հետ կապված: 

Երբ նա հայտնվեց «Սանտոսում», ես դեռ ինը կամ տաս տարեկան էի և կարող եմ ասել, որ ամենավառ հիշողությունները կապված են 2002 թվականի հետ, երբ «Սանտոսը» չեմպիոնի տիտղոս նվաճեց: Ես ամեն խաղից հետո կանգնում էի մարզադաշտի դռների առջև և սպասում թիմի ավտոբուսին: Երբ նա շարժվում էր, ես սկսում էի վազել նրա հետևից: 

Իսկ ի՞նչ էիք զգում նրա հետ մի թիմում խաղալուց: 

Աննկարագրելի զգացումներ ունեի, քանի որ խաղում էի իմ կուռքի հետ: Մենք միշտ շփվում էինք միմիանց հետ, հաճախ միասին կատակում էինք: Դա հիանալի զգացումներ էին, և ես ամեն օր շնորհակալություն եմ հայտնում Աստծուն այդ օրերի համար: 

Ի՞նչ է նա պատմել իր եվրոպական կարիերայի մասին և Ձեզ երբևէ ասե՞լ է, որ Դուք էլ եք պատրաստ տեղափոխվել Եվրոպա: 

Նա բարձր գնահատական է տվել այդ ամենին: 

Իսկ բացի Ռոբինյոյից ո՞վ է քեզ համար կուռք հանդիսանում 

Ֆենոմենոն` Ռոնալդոն: 

Քեզ համար ո՞վ է լավագույնը. Մեսսի՞ն, թե՞ Ռոնալդուն: 

Երկուսն էլ լավագույներն են, բայց Մեսսին ներկայումս աշխարհում համար մեկն է: Չնայած Կրիշտիանուն էլ ֆանտաստիկ ֆուտբոլիստ է: 

Իսպանիայում շատ մարդիկ կան, որ չեն տեսել, թե դու ինչպես ես խաղում, ինչպե՞ս կներկայացնես քո խաղը: 

Իմ գլխավոր ուժը դրիբլինգն է...Չգիտեմ ուրիշ ինչ ասեմ: 

Պելեն ասել է, որ իրեն հիանալի էր զգում, երբ խաղում էր հարձակվողական գոտում, իսկ դուք ո՞ր դիրքում եք Ձեզ ավելի լավ զգում: 

Ամբողջ խաղադաշտում!

Իսկ եթե լուրջ... 

Ես լուրջ եմ ասում: Առանց կատակի ես ցանկանում եմ խաղալ միշտ ամեն տեղ: 

Պելեն «Սանտոսի» հետ հաղթեց առաջնությունում, նվաճեց Լիբերտադորեսի գավաթը, իսկ ո՞րն է Ձեր երազանքը: 

Ես չգիտեմ, երևի ցանկանում եմ հաղթել ԱԱ-ում և ցանկանում եմ հաղթել աշխարհի լավագույն առաջնություններում: 

Չե՞ք վախենում Եվրոպա տեղափոխվելուց 

Ոչ, ես ոչինչից չեմ վախենում: 

Փորձու՞մ եք սովորել Իսպանարեն: 

Իսպանարեն` ոչ, բայց Անգլերեն` այո: Ինչպես տեսնում եք փոքր-ինչ հասկանում եմ Իսպաներեն (Ծիծաղում է): 

Մի՞թե Ձեզ համար ՉԼ-ում խաղալը երազանք է... 

Այո: Դա երազանք է բոլոր ֆուտբոլիստների համար: ՉԼ-ն հետաքրքիր մրցաշար է, և ես հույս ունեմ ապագայում հաղթել այն: 

Իսկ ինչու՞ չտեղափոխվեցիք «Չելսի»:

Քանի որ այդ ժամանակ չէի մտածում Բրազիլիան լքելու մասին: 

Ի՞նչ եք կարծում, չէի՞ք ցանկանա տեղափոխվել Եվրոպա. ուր աշխարհի լավագույն ֆուտբոլիստներն են: 

Պելեն էր լավագույնը, բայց նա ողջ կարիերայի ընթացքում հանդես եկավ Բրազիլիայում. Այնպես որ... 

Պելեն ձեզ խորհուրդ տվե՞լ է մնալ ակումբում:

Նա ինձ հետ շատ է խոսում, բայց ոչ այդ թեմաներով: 

Իսկ ի՞նչ է ասում Ֆենոմենոն 

Ես նրա հետ էլ եմ շատ խոսում, քանի որ նա հիմա ինձ շատ է օգնում իր խորհուրդներով: 

Բայց նա ասել է, որ Ձեզ ցանկանում է տեսնել «Ռեալ Մադրիդում»: 

Իրո՞ք, նա այդպիսի բա՞ն է ասել (Ծիծաղում է): Ուրեմն նրա հետ կխոսեմ և կփորձեմ նոր բաներ իմանալ: 

Եկեք մեր հարցազրույցը ավարտենք այսպիսի հարցով. եթե ստպիված լինեիք ընտրել «Ռեալի» և «Բարսայի» միջև, ու՞մ նախապատվություն կտայիք: 

Ձեր լրագրողը ինձ ասաց, որ մենք ավարտում ենք հարցազրույցը (Խուսափելով պատասխանից, ծիծաղելով ավարտում է Նեյմարը): 

As.com

Դիտվել է

Posted in: