Իկեր Կասիլյասը հարցազրույց է տվել Realmadrid.com-ին Philips ընկերության կազմակերպած միջոցառման ընթացքում: Նա իր տեսակետներով է կիսվել լրագրողների հետ ու իր կարծիքն է արտահայտել անցկացրած մրցաշրջանի վերաբերյալ:Ինչպե՞ս անցկացրեցիք մրցաշրջանը.
«Կարծում եմ, որ դրական մրցաշրջան էր՝ և´ կոլեկտիվ, և´ անհատական տեսանկյուններից: Մրցաշրջանի ավարտին մենք հնարավորություն ունեինք երեք տիտղոսներն էլ հաղթելու համար: Լա Լիգան հաղթելու հնարավորությունը կորցրեցինք առաջնության ավարտից 2 տուր առաջ, բայց կարծում եմ՝ ունեցանք լավ ընթացք մրցաշրջանում»:
«Մեր նպատակն ավելի լավ գործելն է, ավելի լավ, քան արեցինք այս մրցաշրջանում: Եթե անենք այդպես, ապա շատ լավ հնարավորություն կունենանք: Բարձրագույն խմբում դիրքերի բարելավումը կնշանակի դուրս գալ առաջին տեղ, Չեմպիոնների Լիգայում բարելավումը՝ կնշանակի դուրս գալ եզրափակիչ, իսկ Արքայական գավաթում՝ կրկին նվաճել հաղթողի տիտղոսը: Եթե մի փոքր բարելավվենք նախորդ մրցաշրջանի համեմատ, հրաշալի քայլ կլինի թիմի կողմից»:
Ի՞նչ կարծիք ունեք Շահինի հետ պայմանագրի ստորագրման վերաբերյալ.
«Նա շատ երիտասարդ խաղացող է՝ ամբողջ թիմի պես: «Ռեալը» երիտասարդանում է, ինչը լավ է ապագայի համար: Շատ չեմ հետևել նրա խաղերին, բայց հուսով եմ, որ լավ կխաղա ու շուտ կադապտացվի թիմին»:
Ի՞նչ կասեք Ալթինթոփի մասին.
«Նա ավելի փորձառու է, քանի որ խաղացել է
տարբեր թիմերում: Կարող է խաղալ ցանկացած դիրքում, զգալիորեն կօգնի թիմին»:
Կալյեխոնը վերադառնում է թիմ. ի՞նչ կարող է նա տալ թիմին.«Նա հեռացել էր «Ռեալից» խաղը զարգացնելու համար, ինչը բավականաչափ բարդ գործընթաց է: Մադրիդը միշտ ցանկանում է վերադարձնել
սաներին, նամանավանդ, երբ նրանք իրենց լավ են դրսևորում այլ ակումբում: Նա երիտասարդ ֆուտբոլիստ է, որն ակադեմիայի սան է եղել: Այսպիսի բաներն են մեզ երջանկացնում, որ ակադեմիայի սանը դառնում է հիմնական թիմի խաղացող»:
Ո՞րն է եղել մրցաշրջանի հատուկենտ պահը Ձեզ համար.
«Ամբողջ մադրիդիզմի համար մրցաշրջանի լավագույն պահը Copa Del Rey-ի նվաճումն էր: Մադրիդիստները ցանկանում էին հաղթել, եղավ գեղեցիկ եզրափակիչ, մենք հաղթեցինք: Սա էր մրցաշրջանի ամենագեղեցիկ պահն ինձ համար»:Արդեն 2-րդ տարին է, ինչ Մոուրինյոն «Ռեալում» է. ի՞նչ կարող է թիմն անել այս անգամ.«Առաջին տարում մարզչական անձնակազմը ու նոր ֆուտբոլիստները ստպված էին ադապտացվել թիմին: Հաջողությունը երաշխավորվում է, եթե մի փոքր բարելավենք՝ խաղանք այնպես, ինչպես մրցաշրջանի վերջում: Յուրաքանչյուրս, բնականաբար, ամեն տարի կփորձենք ավելի լավ հանդես գալ: Մենք ուզում ենք, որ մարդիկ պահանջեն մեզանից, երբ դրա կարիքը կա: Կփորձենք առաջիկա մրցաշրջանում մեկ քայլ առաջ գնալ»:
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: