17-ամյա Մետե Սերդար Կոբանը համարվում է «Կաստիլյան» համալրելու հիանալի տարբերակ:
17 տարեկան Մետե Սերդար Կոբանը, ով ձախլիկ է, ազգությամբ թուրք է, համարվում է եվրոպական ֆուտբոլի ադամանդներից մեկը: «Ռեալը» աչք է դրել այս խաղացողի վրա, ով կարող է ազատ գործակալի կարգավիճակով գալ Մադրիդ ու համալրել «Կաստիլյայի» շարքերը` պարբերաբար հրավիրվելով առաջին թիմ:
Կոբանը արդեն 4 տարի խաղում է իտալական «Ինտերի» կանտերայում, իսկ Մոուրինյոն խաղացողին լավ գիտի դեռ այնտեղ աշխատելու ժամանակից:Նա հզոր խաղացող է մեծ տեխնիկական արսենալով: Իտալիայում նրան շատ են գովաբանում, իսկ հիմա նա մոտ է «Ռեալ» տեղափոխվելուն:
Եթե համեմատելու լինենք, նրա խաղաոճը նման է Մարսելոյինին ու Կոենտրաոյին, ի դեպ, ևս մեկ պոտենցիալ նորեկի: Բայց Մետե Սերդար Կոբանը ապագայի խաղացող է, ում համար արդեն որս են սկսել «Ատլետիկոն», «Չելսին» ու թուրքական «Գալաթասարայը»: 2 տարի առաջ թուրքական ակումբը ցանկացավ ձեռք բերել խաղացողին, բայց Մոուրինյոն վետո դրեց այդ տեղափոխության վրա, ասելով, որ Կոբանը շատ հետաքրքիր խաղացող է:
Մոտ օրերին կարող է կայանալ նրա տեղափոխությունը «Ռեալ»: Եթե նա գա, ապա կլինի թիմի 4-րդ թուրք խաղացողը Օզիլից, Շահինից ու Ալթինթոփից հետո: Այս խաղացողը հայտնի է իր կարգապահությամբ ու ճշտությամբ:
Մի շարք ակումբներ հերթ են կանգնել, բայց Կոբանը արդեն իսկ կայացրել է իր որոշումը և ասել է.«Ես ուզում եմ տեղափոխվել «Ռեալ»: Ավելին, նա հիմա Մադրիդում է ու արդեն հասցրել է մասնակցել «Բեռնաբեուում» անցկացվող շրջագայություններին: Նա լուսանկարվել է ՉԼ 9 գավաթների հետ, դուրս է եկել խաղադաշտի խոտածածկին:
Նրա երազանքը «Ռեալում» խաղալն է: Բացի այդ նա ցանկանում է նորից աշխատել Մոուրինյոյի հետ, ում հետ աշխատել է դեռ «Ինտերում»: Բանակցությունները սկսված են ու մոտական ժամերին նորություններ կլինեն:
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: