Կրիշտիանու Ռոնալդուն մամլո-ասուլիս է տվել Cadena Cope-ին Լիսաբոնում: Խաղացողը վերլուծել է անցկացված մրցաշրջանը, խոսել է թիմի նոր ձեռքբերումների մասին, ինչպես նաև՝ իր կարծիքն է արտահայտել Մոուրինյոյի վերաբերյալ:
«Ուզում եմ հաղթել 10-րդ Չեմպիոնների Լիգայի գավաթը: Ես գիտեմ, թե ինչ է եղել Մադրիդում վերջին մի քանի մրցաշրջանների ընթացքում, և համոզված եմ, որ քաղաքը կհանգստանա, եթե հաղթենք 10-րդ գավաթը: Բայց, այնուամենայնիվ, մենք պետք է խուսափենք այդ գաղափարի հետապնդումից: Շատ բաներ ավելի լավ են տրվում, երբ հոգեկան անդորր է լինում: Մենք վաղ, թե ուշ հաղթելու ենք «տասներորդը»»:
«Բոլորս ակնկալում ենք, որ կարևոր տիտղոսներ կնվաճենք գալիք սեզոնում: Համոզված եմ՝ մենք կանենք դա, քանի որ ունենք այսպիսի մարզիչ, ով հաճախ հաջողությունների է հասնում կառավարման 2-րդ տարում, այդժամ ավելի մեծ հաջողությունների է հասնում, քան առաջին տարում, այդպես է նաև ֆուտբոլիստների մոտ: Մենք պետք է տիտղոսներ նվաճենք այս մրցաշրջանում: Մենք ունենք ներուժ այդ ամենն անելու համար»:
«Մոուրինյոն ապացուցել, որ լավագույնն է բոլոր այն լիգաներում, որոնցում գործել է: Լավագույնները նրանք են, ովքեր հաղթել են մի քանի լիգաներում, և նա հաղթել է նախորդ տարիներին այն լիգաներում, որոնցում մասնակցություն է ունեցել: Նա ունի հաղթողի ուժեղ մտածելակերպ: Ուրախ եմ, որ աշխատում եմ նրա հետ, ցանկանում եմ, որ նա երկար ժամանակ մնա թիմում: Այն փաստը, որ նա այժմ Մադրիդում է, իր պրոֆեսիոնալիզմի արտացոլումն է: Համոզված եմ, որ այս մրցաշրջանում կունենանք մարտավարական տարբերություն: Մոուրինյոն գիտի, որ մենք պետք է բարելավվենք ու միասին հաղթենք կարևոր տիտղոսներ»:
«Ես չեմ պատրաստվում հեռանալ Մադրիդից, համենայն դեպս ոչ մոտ ժամանակներում: Ես ընտրել եմ Մադրիդը՝ «Բարսելոնայի» պատճառով: Ես հրաշալի եմ զգում քաղաքում, հրաշալի է նաև այն, թե ինչպես են մարդիկ հյուրասիրում, ահա թե ինչն է իսկապես կարևորը: Կցանկանայի ևս 10 տարվա պայմանագիր ստորագրել «Ռեալի» հետ: Ես «Բարսելոնայի» և մի շարք այլ թիմերի հետ պայմանագիր ստորագրալու շանսեր ունեի, բայց ընտրեցի «Ռեալը», դա արեցի այն բանի համար, որ ավելի շատ եմ սիրում այս թիմին, քան մնացածին: Ամենակարևորը փողը չէ»:
«Ես կաջակցեմ մեր նոր թիմակիցներին: Կալյեխոնը լավ է ճանաչում լիգան, և մեր նոր թուրք/գերմանացի խաղացողներն ունեն լավ մտածելակերպ»:
«Ես շատ եմ հավանում Ադեբայորին: Նա շատ լավ դերակատար է, նույնիսկ նա ավելի մեծ թիմային խաղացող է: Նա մեծ նշանակություն ունի թիմի համար: Նա և Մարսելոն բոլորին երջանկացնում են թիմում: Նա դրական է թիմի համար»:
«Կուն Ագուերոն ու Նեյմարը գերազանց ֆուտբոլիստներ են: Կունը լավագուններից մեկն է, իսկ Նեյմարն ապագայում կարող է դառնալ աստղ: Կոենտրաոն իմ ընկերն է: Նա շարժուն է, ու կարող է լինել լավագույն պորտուգալացի խաղացողը, որն այժմ խաղում է հավաքականում: Լավ կլիներ նրա հետ պայմանագիր կնքելը: Նա շատ ամբիցիոզ է: Մոուրինյոն նրան լավ գիտի, գիտի նաև, որ նա կարող է օգնել թիմին բարելավել»:
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: