Ժոզե Մոուրինյոն խոսեց «Մալյորկայի» դեմ առաջիկա խաղի մասին ու ասաց, որ հիմա այդ խաղն է թիմի համար ամենակարևորը:
«Մենք մրցելու ենք «Մալյորկայի» դեմ առաջնությունում, այնպես որ առիթ չկա, որ խոսենք «Բարսայի» մասին: Այդ ամենը լավ է լրատվամիջոցների համար, քանի որ ավելի շատ եք վաճառում ու ավելի քիչ աշխատում, բայց ներկա պահին չեմ խոսի նրանց մասին, քանի որ հետաքրքրված չեմ դրանում»:
«Մենք նախապատվություն ենք տալիս Լա լիգային: «Մալյորկայի» դեմ խաղը շատ կարևոր է, այն հիմա ամենակարևորն խաղն է: Խաղարկվելու է երեք միավոր, որոնք մենք պետք է վաստակենք, պետք է վաստակենք այնքան շատ միավոր, որքան հնարավոր է, որպեսզի խուսափենք այն բանից, որ մեր մոտակա հետապնդողը հասնի մեզ: Մենք պետք է մեր լավագույն խաղը ցուցադրենք, որ հաղթենք: Անցած տարի մենք միավորներ կորցրեցինք, ու հիմա էլ այդ ռիսկը կա: Նրանք զգալիորեն բարելավել են, ու նրանց տրամադրվածությունը բարձր է՝ կապված գավաթի վերջին խաղում նրանց ցուցադրած գոլային հրավառության հետ: Նրանք հիմա ուժեղ են ինչպես երբեք»:
«Հուսով եմ, որ «Արքայական» գավաթի խաղերը չեն շեղում իմ խաղացողներին: Մենք խաղեր ունենք «Մալյորկայի» ու «Ատլետիկ Բիլբաոյի» դեմ, որոնք բավականին դժվար են, որպեսզի մենք մեզ թույլ չտանք կորցնել կոնցենտրացիան: Ես ամեն ինչ անելու եմ, որ դրանից խուսափեմ: Վաղվա խաղը ամենակարևորն է, ինչպես և առաջնության մյուս խաղերը: Մենք հիմա նախապատվություն ենք տալիս այդ դրան: «Արքայական» գավաթը նույնպես կարևոր մրցաշար է, որի համար մենք պետք է պայքարենք: Մենք հիմա գործող չեմպիոններն ենք, բայց լա լիգան այնքան կարևոր է, որ չենք կարևող ավելի շատ կենտրոնանալ այլ մրցաշարի վրա, որը նույնպես կարևոր են, բայց ոչ այնքան, որքան առաջնությունը»:
«Դի Մարիան չի կարող հայտավորվել, ու դեռ պետք է սպասել ու տեսնել, թե արդյոք կկարողանա վերականգնվել մյուս շաբաթվա համար: Մենք չենք պատրաստվում կազմում էական փոփոխություններ անել կամ դիմել ռոտացիայի: Մենք չպետք է լացենք Խեդիրայի վնասվածքի պատճառով կամ այն որպես արդարացում օգտագործենք: Նա կարևոր խաղացող է ու մենք շատ կզգանք նրա կարիքը, բայց ինչ եղել է, եղել է: Անցած մրցաշրջանում էլ մենք կորցրինք Իգուաինին, բայց հենց այստեղ էլ պետք է գալիս մեծ կազմը: Նրանք, ովքեր շանս կստանան, պետք է ապացուցեն, որ «Ռեալին» համապատասխանող խաղացողներ են»:
«Կառվալյուն մարզվում է առանց խնդիրների ու վնասվածքի որևէ նշույլ չկա նրա մոտ, բայց նա չի մեկնի Մալյորկա, քանի որ պետք է դեռևս մարզվի ու ձեռք բերի խաղային տոնուսը: Չեմ կարծում, որ Շահինի համար խաղաժամանակ կգտնվի: Միջմրցաշրջանը ավարտված է, ու նա շատ խաղեր չի խաղացել, այնպես որ նա պետք է շարունակի աշխատել, որ պատրաստ լինի, երբ որ ժամականը գա»:
«Մենք սկսելու ենք երկրորդ շրջափուլը նույն այն կազմով, որը կար առաջինի ժամանակ: Վստահ ենք դրանում: Մենք չենք հետաքրքրվում որևէ խաղացողի գնելով կամ վաճառելով»:
«Կրիշտիանու Ռոնալդուն կենտրոնական հարձակվող է, ու նրա արդյունավետությունը տուգանայիններից մեկ այլ թիմի խաղացողի արդյունավետության հետ համեմատելը մի բան է, որ կարող է անել ցանկացածը: Կարո՞ղ եք ինչ որ ուրիշ խաղացողի տվյալների հետ համեմատել: Մենք խոսում ենք «Ոսկե խաղակոշիկի» վերջին հաղթողի մասին! Միակ խաղացողը, ով ավելի շատ գոլեր է խփել, քան Ռոնալդուն, Էստոնիան ներկայացնող մի խաղացող է»:
Realmadrid.com
Realmadrid.am
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: