Սպորտինգ-Ռեալ խաղին ընդառաջ

«Արքայական» ակումբն այսօր խաղադաշտ դուրս կգա առանց Խաբի Ալոնսոյի, որը Լա լիգայի շրջանակներում հինգ դեղին քարտ ստանալու պատճառով որակազրկվել է: «Սպիտակները» գնում են դեպի տասնչորսերորդ անընդմեջ հաղթանակը, սակայն դրան հասնելն այդքան էլ հեշտ չի լինի. սեփական հարկի տակ «Սպորտինգն» այս մրցաշրջանում կորցրել է ընդամենը երեք հանդիպում (այդ խաղերում «Սպորտինգը» պարտվել է միայն մեկ գնդակի տարբերությամբ), այդ հանդիպումներում թիմը մրցում էր այնպիսի թիմերի հետ, ինչպիսիք են «Բարսելոնան», «Վալենսիան»: Մյուս խաղը սեփական դաշտում, որում թիմը զիջել է, «Ռեալ Սոսյեդադի» դեմ խաղն է եղել:

Թիմերի վիճակագրությունը
			Սեփական հարկի տակ				Արտագնա
	Տեղ	Միավոր	Խ	Հ	Ոչ-ոքի	Պ	Խ	Հ	Ոչ-ոքի	Պ
Սպորտինգ	18th	12	7	2	2	3	6	1	1	4
Ռ.Մադրիդ	1st	34	6	6	0	0	7	5	1	1

Իսկ ահա «Արքայական» թիմն սկսել է առաջնությունը չափազանց լավ՝ 13 խաղում խփելով 46 գնդակ: «Ռեալն» այս խաղում ևս փորձելու է պահել իր հաղթանակների շարքը՝ ավելի ու ավելի առաջ ընթանալու:

Վերջին վեց խաղերում, որոնք «Ռեալ Մադրիդի» ու «Սպորտինգի» միջև կայացել են «Էլ Մոլինոն» մարզադաշտում, «Ռեալը» չի պարտվել, ընդհակառակը. հաղթել է դրանցից չորսում, ոչ-ոքի խաղացել՝ երկուսում: Երկու հարյուր յոթանասուն րոպե է արդեն, որ Իկեր Կասիլյասն անառիկ է պահում իր դարպասը, այս խաղում ևս նա փորձելու է զարգացնել հաջողությունը:

Քսանմեկ ֆուտբոլիստ Մոուրինյոն ընդգրկել է այս խաղին, այդ թվում՝ Կակային, Կրիշտիանու Ռոնալդուին: Ռոնալդուն թիմի հետ մարզվել է միայն վերջին երկու մարզումներին, դրանից առաջ նա մկանային վարժություններ էր անում՝ ձախ ոտքի հետ կապված խնդիրները վերացնելու նպատակով:

Անցյալ շաբաթ «Սպորտինգը» զիջեց «Լևանտեին»՝ աղյուսակում ետ մղվելով մինչև վտանգավոր գոտի: Սա, իսկապես, մեծ շարժառիթ է լավ գործելու համար: Հավելենք նաև, որ հանդիպումը մեկնարկում է ՀՀ ժամանակով 21:00-ին և, ավանդույթի համաձայն, ուղիղ հեռարձակմամբ ցուցադրվելու է մեր կայքում:

ՆԱԽՈՐԴ՝ ՍՊՈՐՏԻՆԳ-ՌԵԱԼ ՄԱԴՐԻԴ ՀԱՆԴԻՊՈՒՄՆԵՐԻ ԱՐԴՅՈՒՆՔՆԵՐԸ
	Խ	Հ	Ոչ-ոքի	Պ	Խփ	Ըն
Սպորտինգ	40	10	13	17	39	49
Ռեալ Մադրիդ	40	17	13	10	49	39

http://realmadrid.am
http://realmadrid.com

Դիտվել է

Posted in: Իսպ.Լա Լիգա