Ռեալը այս մրցաշրջանում կարծես թե գտել է իր հարձակման առաջատարներին: Ռեալը՝ նոր հարձակվող գնելու համար բանակցեց մի շարք թիմերի հետ, սակայն ինչպես պարզ դարձավ , ամենևին էլ կարիգ չկար նոր հարձակվող գնելու համար:Այդ մասին նաև հայտարարեց Մոուրինիոն մամլո ասուլիսի ժամանակ: Այդ դեպքում ինչու՞ է ակումբի ղեկավարությունն այդքան ջանքեր թափում, եթե գլխավոր մարզչին նոր ֆուտբոլիստ հարկավոր չէ:
Նման անորոշ իրավիճակում թիմի կազմում եղած հարձակվողները պետք է ապացուցեին Մոուրինյոյին, որ իրենք բավական են թիմի հաղթանակներն ապահովելու համար, և որ այլ հարձակվողի կարիք չկա: Մինչմրցաշրջանի ընթացում երեք ֆուտբոլիստներ կարծես ապացուցեցին դա` ուրախություն պարգևելով երկրպագուներին: Կարիմ Բենզեման, Կրիշտիանու Ռոնալդուն և Մեսութ Օզիլը ներկայիս դրությամբ Եվրոպայում ամենալավ մարզավիճակում գտնվող ֆուտբոլիստների ցանկում են: Ֆրանսիացի հարձակվողը հասցրել է 8 գնդակ խփել ընկերական խաղերի ընթացքում`դառնալով մինչմրցաշրջանում թիմի լավագույն ռմբարկուն: Ռոնալդուն 7 գնդակ է խփել, իսկ Օզիլը 2 գոլ է հեղինակել`բազմաթիվ գոլային փոխանցումներ կատարելով:
Այս երեք ֆուտբոլիստները հիանալի տպավորություն թողեցին Չինաստանում: Նրանք իրենց ցուցադրելու համար նույնիսկ կարիգ չունեցան ամբողջական հանդիպման. Օզիլին կես ժամն էլ է բավական, իսկ Բենզեման ու Ռոնալդուն 20 րոպեում կարող են վճռել խաղի ելքը:
Լիոնի «Օլիմպիկի» նախկին խաղացողը հիանալի է համագործակցում Ռոնալդուի և Օզիլի հետ: «Նա իմ ընկերն է ինչպես խաղադաշտում, այնպես էլ դրանից դուրս: Նրա հետ շփվելը շատ հաճելի է ու հետաքրքրիր»,-նշել է Բենզեման Ռոնալդուի մասին: Բավական է նայել ընկերական խաղերի արդյունքներին հասկանալու համար, թե ինչպիսի հարձակվողական զույգ են կազմել Ռոնալդուն ու Բենզեման: Վերջերս հաճախ կարելի էր նկատել, որ պորտուգալացու գոլերը Բենզեմայի փոխանցման արդյունք էին լինում:
Մոուրինյոյի թիմի այս հուսալի եռյակը առաջիկա մրցաշրջանի գլխավոր զենքերից էլ լինելու: Թիմի ուժերի առաջին լուրջ չափումը տեղի կունենա օգոստոսի 14-ին`Սուպերգավաթի առաջին հանդիպմանը: Բենզեմայի համար այս խաղը «Բարսելոնայի» հետ կապված անցած տարվա բացասական հիշողությունները դրականներով թարմացնելու լավ հնարավորություն է: Հիշեցնենք, որ Մոուրինյոն նրան խաղադաշտ հանեց միայն Լա լիգայի Սուպերկլասիկոյի ժամանակ, իսկ Արքայական գավաթի եզրափակչում ու ՉԼ-ի կիսաեզրափակիչներից և ոչ մեկում ֆրանսիացուն չտեսանք: Սակայն այս տարի ամեն ինչ այլ է, և Մոուրինյոն չի կարող մեկնարկային կազմ չներառել փայլուն մարզավիճակում գտնվող Բենզեմային: Վերջինս արդեն երրորդ մրցաշրջանն է անցկացնում «Ռեալի» կազմում, և թվում է`այս մեկը բոլորից հաջողն է լինելու նրա համար: Ներկայիս Բենզեման հիշեցնում է «Լիոնի» կազմում փայլող հարձակվողին, որին գնեցին Ռոնալդուի հետ միասին: Կարիմը բոլորի ուշադրության կենտրոնում է, և Օզիլի ու Ռոնալդուի հետ շարունակում է հիացնել երկրպագուներին`մեծ հույսեր տալով Մոուրինյոյին:
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: