«Ուզում եմ ինչ-որ բան բերել ակումբ, լավ գիտեմ թիմն ու նրա արժեքները»,- ասել է Զիդանը՝ «Ռեալի» պաշտոնական կայքին տված հարցազրույցի ընթացքում:
Զինեդին Զիդանը խոսել է Realmadrid.com-ի ու RealmadridTV-ի հետ՝ գալիք մրցաշրջանի մասին: Ֆուտբոլի թիմի նոր տնօրենը կարծում է, որ այս տարին հաջողակ է լինելու «Ռեալի» համար:
Ինչպիսի՞ն են Ձեր օրերը՝ որպես «Ռեալի» առաջին թիմի տնօրեն.
«Շատ է տարբերվում այն ժամանակվանից, երբ Ես խաղում էի թիմում որպես ֆուտբոլիստ: Սա լավ է: Սա այլ դիրքորոշման ձև է, և Ես ուրիշ զգացողություն ունեմ: Ես ուրախ եմ այսպես: Ես սովորում եմ, ու ուզում եմ ինչ-որ բան բերել ակումբին»:
Ի՞նչ կարող է Զիդանը բերել թիմին.
«Ժամանակը ցույց կտա: Ես փորձ ունեմ: Ես լավ գիտեմ ակումբն ու նրա արժեքները: Կտեսնենք: Երիտասարդ մանուկներ են միացել թիմին, և Ես համոզված եմ, որ կարող եմ օգնել նրանց»:
Ինչպե՞ս թիմը ողջունեց Ձեզ.
«Ես ջերմ ողջույն եմ ստացել բոլորի կողմից, նրանց կողմից, որոնց հետ խաղացել եմ և բոլորի կողմից: Սա մի նոր թիմ է: Այն ունի շատ լավ ու երիտասարդ խաղացողներ: Ես անկեղծորեն ուրախ եմ՝ ինձ այսպես ընդունելու համար: Այդպես եղավ և´ գլխավոր մարզչի կողմից, և´ մնացած բոլորի: Մենք բոլորս այստեղ լավ ենք զգում»:
Ի՞նչ կարծիք ունեք Մոուրինյոյի մասին՝ որպես մարզիչ.
«Միգուցե «Ռեալ Մադրիդը» չի ունեցել այսպիսի մարզիչ նախկինում: Նա գիտի ֆուտբոլի մասին, նա նաև ունի մեկ այլ բնույթ: Նա գիտի՝ ինչ ենք ուզում թիմից: Միգուցե թիմը Ժոզեի նման ևս մեկի կարիքն ունի: Նա ունի լավ կազմ, որոնց հետ կարող է հաղթել կարևոր բաներ: Մենք բոլորս գիտենք՝ խաղացողները գալիս են «Ռեալ» հաղթելու ու հաջողակ դառնալու համար: Այդ ամենի համար Մոուրինյոն կատարյալ անձնավորություն է»:
Մոուրինյոյի երկրորդ տարին միշտ լավագույնն է եղել ցանկացած թիմի հետ...
«Նրա առաջին տարին «Ռեալում» շատ լավն է եղել, սակայն կտեսնենք: Մենք գիտենք, թե ինչքան դժվարությունների ենք հանդիպելու, բայց նաև գիտենք, թե ինչ պետք է անենք: Մենք պետք է հաղթենք յուրաքանչյուր խաղում ու ամեն առաջնությունում: Մենք այս տարի ինչ-որ կարևոր բանի կհասնենք այսպիսի մարզչի հետ»:
Մոուրինյոն ասել է, որ ցանկանում է ևս մեկ հարձակվողով համալրել թիմը...
«Մեր ունեցած այժմյա թիմն արդեն իսկ լավն է: Նա է մարզիչը, և գիտի, թե ինչ է անհրաժեշտ թիմին: Մենք աշխատում ենք այդ ուղղությամբ: Դեռ ժամանակ կա, և կտեսնենք, թե ինչ կստացվի»:
Կոենտրաոյի համար 30 միլիոն եվրոն թա՞նկ էր.
«Ոչ: Նա ապացուցեց, որ գիտի, թե ինչ պետք է անի խաղադաշտում: Յուրաքանչյուրն ասում է, որ ցանկացած խաղացողի, ում մենք ձեռք ենք բերում, թանկ է: Դա բնական է, որովհետև նրա համար լուրջ գումար է վճարվել, սակայն Նա ապացուցեց, որ այն գումարը, որը վճարվել է նրա համար, ամենևին էլ շատ չէ, բայց, այնուամենայնիվ, դա քիչ գումար չէ»:
Ի՞նչ կարծիք ունեք թիմի մասին.
«Մենք կունենանք դժվար տարի, բայց կարծում եմ, որ ուժեղ կլինենք բոլոր առաջնություններում: Ես ամեն տարի տեսնում եմ ուժեղ ու երիտասարդ կազմ: Նրանք երիտասարդ մանուկներ են, որոնք շատ բաներ պետք է սովորեն, բայց կարծում եմ, որ այս տարի մենք ինչ-որ բան կհաղթենք: Մենք պետք է պայքարենք միշտ, քանի որ ֆուտբոլում ոչինչ հեշտ չի տրվում: Դուք միշտ պետք է պայքարեք՝ հանուն ինչ-որ բանի: «Ռեալ Մադրիդը» պատրաստ է այդ պայքարին»:
Ինչպե՞ս է բարելավվել թիմն անցյալ տարվա համեմատ.
«Մենք շատ պայմանագրեր ենք կնքել, ու ուժեղացրել ենք կենտրոնական ու հարձակման գիծը: Մենք, նույնիսկ, պատրաստվում ենք ունենալ ավելի ուժեղ կիսապաշտպանական գիծ»:
Անցյալ մրցաշրջանում թիմը կատարելագործվել է Օզիլի, Խեդիրայի ու Դի Մարիայի նման ֆուտբոլիստների միջոցով...
«Այո, դա այդպես է: Նրանք եկան «Ռեալ Մադրիդ»՝ հաթելու ինչ-որ բան, և իրենց այստեղ գտնվելու արժանի լինելն ապացուցելու համար: Նրանք արեցին, և հիմա մեկնարկային կազմում են»:
Այս թիմն անցյալ տարի ավելին էր արժանի, քան միայն Copa Del Rey-ը...
«Այո, ինչպես միշտ: Նայեք մեր La Liga-ում ցուցադրած արդյունքին՝ 92 միավոր, սա ստիպում է մեզ այդպես մտածել: Անցյալ տարին ավարտվել է: Մենք պետք է առաջ նայենք ու պայքարենք: Մենք տեսնում ենք, թե ինչ կարող ենք հաղթել այս տարի՝ չնայելով ետ: Մենք պետք է կենտրոնանանք մեր մինչմրցաշրջանային աշխատանքների վրա: Մենք պատրաստվում ենք ինչ-որ կարևոր բանի հասնել, մի բանի, որը կբավարարի մեզ բոլորիս»:
2012 թվականը կլինի տասներորդ ամյակն այն բանի, որ թիմը վաստակել է 9 Չեմպիոնների Լիգայի գավաթ: Դուք խփեցիք ապշեցուցիչ գոլ եզրափակիչում...
«Այո, ժամանակը թռչում է: Հուսով եմ, որ կարող ենք հաղթել այդ տիտղոսն այս տարի: Դա շատ կարևոր կլինի և´ երկրպագուների, և´ թիմի համար: Մենք դա կարող ենք անել այս տարի: Մենք գիտենք, որ շատ դժվարությունների ենք հանդիպելու այս տարի, բայց դրանք միշտ էլ կան: Հուսեվ եմ՝ մեր ֆուտբոլիստներից մեկը կխփի այնպիսի կարևոր գոլ, ինչպիսին Ես խփեցի տաս տարի առաջ»:
Ի՞նչ զգացողություններ ունեք այս մրցաշրջանի վերաբերյալ.
«Ես ունեմ լավ զգացողություններ: Մենք բոլորս կանենք: Ես ամեն օր նայում եմ թիմի մարզումներիը, և ինչ տեսնում եմ, իսկապես զարմանում եմ: Մարզումները տպավորիչ եռանդուն են: Ես իսկապես ուրախ եմ: Մենք կտեսնենք, թե ինչ կլինի»:
Realmadrid.com Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: