Օրեր առաջ, Դիեգո Մարադոնան մասնավորապես ասել էր. «Նեյմարը անկիրթ, ինչպես Պելեն: Չկա որևէ մեկը, որը կկարողանա գերազանցել Մեսսիին»: Մարադոնան այդ կերպ պատասխանել էր Սանթոսի երիտասարդ և տաղանդավոր ֆուտբոլիստ Նեյմարին, ով իբր ասել էր, թե կկարողանա գերազանցել Մեսսիին, նույնիսկ եթե հանդես էլ չգա Եվրոպայում:
«Մամուլից տեղեկացա, որ նախկին ֆուտբոլիստ և համաշխարհային ֆուտբոլի լեգենդներից մեկը՝ Դիեգո Արմանդո Մարադոնան, իսպանական հեռուստատեսությանը տված հարցազրույցում ինձ անվանել է «վատ դաստիարակված», քանի որ հայտարարել եմ, թե կգերազանցեմ Մեսսիին, որպեսզի լինեմ աշխարհի լավագույն ֆուտբոլիստը: Չնայած չեմ տեսել նրա հարցազրույցը, սակայն կարող եմ վստահորեն ասել, որ Մարադոնան չի լսել իմ հայտարարությունները:
Չեմ հայտարարել երբեք, թե ցանկություն ունեմ գերազանցել Մեսսիին: Նրանով ես հիանում եմ ոչ միայն իր ցուցադրած հիանալի ֆուտբոլի համար, այլ նաև իր նվաճած տիտղոսների:
Միշտ ասել եմ և շարունակում եմ ասել, որ Մեսսին բարձր է բոլորից: Twitter-ի իմ անձնական էջում այդպես արտահայտվեցի նրա մասին, երբ նա նվաճեց Չեմպիոնների լիգայի գավաթը՝ 28 օր առաջ:
Իմ նպատակն է, որպես ֆուտբոլիստ նվաճել տիտղոսներ: Չեմ պնդել երբեք, որ ցանկանում եմ լինել ավելի լավը որևէ մեկ մարզիկից:
Այնպիսի ֆուտբոլիստներ, ինչպիսիք են Մարադոնան, Ռոբինյոն, Զիդանը, Ջալմինիան, Մեսսին, Ռոնալդոն և Պելեն՝ անհաղթելի են և ինձ համար միշտ կլինեն իբրև կերպարներ խաղադաշտում:
Չնայած չեմ հավակնում լինել ավելին, քան որևէ մեկը, բայց ցանկանում եմ պատկանել լավագույնների շարքին:
Մարադոնան իմ կուռքն է: 2006 թ. նա ինձ պարգևել է կյանքիս ամենաերջանիկ օրերից մեկը: Հետևում էի Ջալմինիայի և Դիեգոյի մասնակցությամբ շոուբոլին, որն անմոռանալի է: Նույնիսկ լուսանկարներ եմ արել այդ օրը: Հույս ունեմ, որ Դիեգոն կփոխի իմ նկատմամբ ունեցած իր կարծիքը: Դա է, որ ցանկանում եմ՝ իբրև Մարադոնայի երկրպագու:
Ո՞վ գիտե, կարող է հանդիպենք Արգենտինայում՝ Ամերիկայի գավաթի խաղարկության ընթացքում և վերջնականապես կլուծենք ծագած այս խնդիրը»,- գրել է իր անձնական կայքում Սանթոսի հարձակվող Նեյմարը:
Ինչպես և սպավում էր, այդ խոսակցությանն է անդրադարձել 19-ամյա Նեյմարը և իբրև Մարադոնայի ջերմ երկրպագու, ներկայացրել է խնդիրն ամբողջությամբ և արտահայտել իր կարծիքը նրա և Մեսսիի վերաբերյալ:
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: