Համիթ Ալթինթոփը տեղափոխվեց Մադրիդի Ռեալ

«Ռեալի» պաշտոնական կայքը տեղեկացնում է, որ թուրք ֆուտբոլիստը պաշտոնապես դարձել է «Ռեալի» ֆուտբոլիստ և թիմի հետ պետք է կնքի 4 տարվա պայմանագիր: 


Ալտինթոփը ծնվել է 1982 թվականի դեկտեմբերի 8-ին Գելզենկիրխենում: Բայց խաղացողը ունի թուրքական անձնագիր ու ազգային հավաքականի կազմում խաղացել է 64 խաղ ու խփել է 6 գոլ: Նա ունիվերսալ կիսապաշտպան է, ով հաջողությամբ կարող է խաղալ թե կենտրոնում, թե եզրային գոտում: Նախքան «Շալկեում» 4 տարի անցկացնելը ու «Բավարիա» տեղափոխվելը նա խաղացել է «Շվարց-Վայս Գելգերկիրխեն», «Տուս Ռոթհաուզեն» և «Վատենշեյդ 09» թիմերում:

Կիսապաշտպանը մեկ շաբաթ առաջ հայտնեց, որ «Արքայական ակումբում» խաղալը իր երազանքն է և այսօր նրա երազանքը իրականանում է: Նա Իսպանիայի մայրաքաղաք է տեղափոխվում ազատ գործակալի կարգավիճակով, քանի որ չի ցանկացել երկարաձգել պայմանագիրը մյունխենյան «Բավարիայի» հետ:

Թուրքիայի ազգային հավաքականի կիսապաշտպան Համիտ Ալթինթոպը ներկայիս առաջնությունում արդեն երկրորդ ձեռքբերումն է «Ռեալի» կազմում: Հիշեցնենք, որ օրեր առաջ թուրք մեկ այլ ֆուտբոլիստ` Նուրի Շահինը նույնպես պայմանագիր կնքեց Իսպանիայի գավաթակրի հետ:

ՏԻՏՂՈՍՆԵՐ
«ԲԱՎԱՐԻԱՅԻ» ԿԱԶՄՈՒՄ:
Բունդեսլիգա: 2008, 2010
Գերմանիայի գավաթ: 2008, 2010
Գերմանիայի սուպերգավաթ: 2010
Գերմանիայի լիգայի գավաթ: 2007

«ՇԱԼԿԵ 04-Ի» ԿԱԶՄՈՒՄ:
Գերմանիայի լիգայի գավաթ: 2005

 

Դու գիտես, ինչու չիմանան քո ընկերները?Տեղեկացր՛ու նրանց:

Դիտվել է

Posted in: