Մադրիդի "Ռեալը" որոշել է ցնցել ֆուտբոլային աշխարհը` աներեւակայելի թվացող 240 մլն. դոլլարով վաճառելով մոլորակի ամենաթանկ ֆուտբոլիստին` պորտուգալացի Կրիշտիանու Ռոնալդուին:"Արքայական ակումբը" պատրաստ է իր աստղին վաճառելու այն բանից հետո, երբ վեճ առաջացավ Ռոնալդուի եւ "Ռեալի" գլխավոր մարզիչ` ֆուտբոլիստի հայրենակից Ժոզե Մոուրինյոյի միջեւ:
Ինչպես տեղեկացնում է ԻՏԱՌ-ՏԱՍՍ գործակալությունը` հղում անելով բրիտանական Daily Mail պարբերականին, ֆուտբոլիստի եւ գլխավոր մարզչի միջեւ առկա լարված հարաբերություններն ավելի վատթարացան այն բանից հետո, երբ "Բարսելոնայի" հետ կայացած Չեմպիոնների լիգայի կիսաեզրափակիչ խաղի ժամանակ Ժոզե Մոուրինյոյի կիրառած տակտիկան քննադատության ենթարկվեց Կրիշտիանու Ռոնալդուի կողմից:- "Այս տակտիկան ինձ դուր չի գալիս", - հայտարարել է Ռոնալդուն: - "Սակայն ստիպված պետք է համակերպվեմ, քանի որ այլ ելք չունեմ":
Հենց այս արտահայտությունների պատճառով` "Բարսելոնայի" հետ խաղին հաջորդած Իսպանիայի առաջնության "Սարագոսայի" հետ ամբողջ հանդիպումը Ռոնալդուն անցկացրեց պահեստայինների նստարանին:
Պորտուգալացի ֆուտբոլիստին ձեռք բերելու մեծ ցանկության մասին ավելի վաղ հայտնել էր իտալական "Միլանի" սեփականատեր, Իտալիայի վարչապետ Սիլվիո Բեռլուսկոնին: Սակայն, ինչպես վկայում է բրիտանական պարբերականը, Ռոնալդուի համար սահմանված արժեքը կարող է վանել յուրաքանչյուրին` նույնիսկ Ռոնալդու տաղանդի ամենակրքոտ երկրպագուին:
Առայժմ Ռոնալդուի նկատմամբ առանձնապես ուշադրություն չի ցուցաբերել նույնիսկ ամենակարող գնորդը` անգլիական "Մանչեսթեր Սիթին", որի սեփականատերն է հանդիսանում Աբու-Դաբիի էմիրությունը կառավարող ընտանիքի ներկայացուցիչ շեյխ Մանսուր բեն Զայեդ Ալ Նահայանն` իր 31.8 մլրդ. դոլլար կարողությամբ:
Դու գիտես, ինչու՞ չիմանան քո ընկերները:Տեղեկացր՛ու նրանց:
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: