«Հաղթելը ամենակարևորը չէ, ավելի կարևոր է այն, որ թիմը լավ մարզավիճակ ձեռք բերի ու գտնի իր խաղաոճը»,-նշել է պորտուգալացի մասնագետը:Իր թիմի առաջին ընկերական խաղից հետո գլխավոր մարզիչ Ժոզե Մոուրինյոն ներկայացավ ասուլիսի սրահ: «Այս հանդիպումը հատկապես կարևոր էր Կոենտրաոյի համար, քանի որ նա փորձում էր ցույց տալ, թե ինչի է ընդունակ: Շատ լավ հանդիպում անցկացրեց և իսկապես ցույց տվեց իր ներուժը: Կալյեխոնը նույնպես լավ տպավորություն թողեց, Վարանեն լուրջ ու ամբողջական խաղ ցույց տվեց»,-ասաց Մոուրինյոն`խոսելով իր նորեկների դեբյուտների մասին: Իսկ «Գելակսիի» հետ դուելի մասին նշեց. «Ես ուրախ եմ: Բարդ հանդիպում ստացվեց, մենք խաղում էինք նվիրվածությամբ ու հաղթելու մեծ ցանկությամբ»:«Ռեալի» գլխավոր մարզիչը առաջին ընկերական հանդիպումից հետո գոհ էր իր թիմի խաղից: «Հաղթելն ամենակարևորը չէր: Ավելի կարևոր է այն, որ թիմը լավ մարզավիճակ ձեռք բերի ու գտնի իր խաղաոճը: Մենք լավ կազմ ունենք, այսօր առաջին կեսում և երկրորդում խաղացինք երկու տարբեր կազմերով, սակայն դեռ բացակայում էին այնպիսի ֆուտբոլիստներ, ինչպիսիք են Դի Մարիան, Իգուաինն ու Շահինը: Ամեն օր ավելի լավ ենք աշխատում ու ջանք չենք խնայում հաջող հանդես գալու համար»:Մոուրինյոն խոսեց նաև նորեկների դեբյուտի մասին`գովեստի խոսքեր ասելով նրանց հասցեին. «Չեմ սիրում անհատականացնել թիմին: Ընդհանուր թիմը լավ խաղ ցուցադրեց`հավասարակշռված ու նպատակասլաց: Այս հանդիպումը հատկապես կարևոր էր Կոենտրաոյի համար, քանի որ նա փորձում էր ցույց տալ, թե ինչի է ընդունակ: Շատ լավ հանդիպում անցկացրեց և իսկապես ցույց տվեց իր ներուժը: Կալյեխոնը նույնպես լավ տպավորություն թողեց, Վարանեն լուրջ ու ամբողջական խաղ ցույց տվեց: Վերջինիս համար կարևոր է ապացուցել, որ պետք է լինի մնացած խաղընկերների կողքին ու նրանցից ոչնչով պակաս չէ»:Այն հարցին, թե ինչ նպատակներ ունի թիմը հաջորդ մրցաշրջանի հետ կապված, Մոուրինյոն պատասխանեց. «Մեծ ակումբը չպետք է նախապես որոշի, թե որ նվաճմանն է ուզում հասնել: Անցած մրցաշրջանում հաղթեցինք Արքայական գավաքը, սակայն գիտեինք, որ ՉԼ-ն ու Լա լիգան շատ կարևոր են, ու փորձում էինք հաջողության հասնել նաև այս մրցաշարերում: Գավաթներ նվաճելու և չնվաճելու մեջ տարբերությունը մեծ չէ: Բնական է, որ ինչքան լավ ես աշխատել ու նախապատրաստվել, այնքան հաղթելու շանսերդ մեծ են: Սակայն, հուսով եմ, որ այդ փոքրիկ տարբերությունը նվաճելու օգտին կլինի, այլ ոչ թե չնվաճելու: Միակ բանը, որ կարող ենք խոստանալ, այն է, որ շարունակելու ենք տքնաջան աշխատել»,-նշել է պորտուգալացին:
Մոուրինյոն ևս մեկ անգամ ասաց, որ վստահում է ակումբի կանտերանոներին. «Փորձելու եմ իմ դերն ունենալ նրանց ապագայի մեջ, քանի որ զգում եմ նրանց լավ որակներն ու տաղանդը: Կարծում եմ`կարող են օգտակար լինել մեր թիմին»: Վերջում Մոուրինյոն ընդգծեց Զիդանի կարևոր դերը իրենց աշխատակազմի համար. «Նա միշտ մեզ հետ է: Հիանալի է ճանաչում խմբով աշխատելու երևույթը ու պատրաստ է ամեն ինչում աջակցել մեզ: Ինձ շատ վստահ եմ զգում նրա կողքին: Մանավանդ հիմա, երբ թիմի պահեստայինների նստարանը մեծանալու է, առավել կարևոր է լինելու նրա օգնությունը»,-ավարտել է «Ռեալի» գլխավոր մարզիչը:
Դիտվել է
Այաքս 
Լիոն 
0 մեկնաբանություն:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: