Աբել Գոմես.«Հակառակորդի անունից չպետք է վախենալ»

«Մեր խաղաոճին հավատարիմ մնալով, մի փոքր էլ բախտի ուղեկցությամբ կարող ենք վաստակել երեք միավոր»,-նշել է Գոմեսը՝ հիշեցնելով, որ իրենք կարողացել են հաղթել Սևիլյայում և Բիլբաոյում:

«Գրանադայի» կիսապաշտպան Աբել Գոմեսը վստահեցրել է, որ «Ռեալի» դեմ այսօրվա խաղում հաղթանակի բանալին մրցակցի անունից չշփոթվելն է, քանի որ իր թիմը նույնպես արժանիքներ ու որակներ ունի և կարող է օգտագործել դրանք:

“EFE”-ին տված հարցազրույցում Գոմեսը նշել է. «Բեռնաբեուում» կայանալիք հանդիպումը տարբերվում է մյուս հանդիպումներից, քանի որ խաղալու ենք աշխարհի լավագույն մարզադաշտերից մեկում՝ աշխարհի լավագույն թիմերից մեկի դեմ»:

«Այս խաղում հաղթելու ցանկությունը անչափ մեծ է: Առաջիկա պայքարը Սեգունդայում կատարած աշխատանքի մրցանակ եմ համարում, քանի որ շատ աշխատեցինք ուժեղագույնների պայքարին միանալու համար»,-նշել է կիսապաշտպանը՝ավելացնելով, որ չնայած մրցակիցը Մադրիդի «Ռեալն» է, խաղադաշտում հանդիպելու են հավասար թվով ֆուտբոլիստներ՝ հավասար հնարավորություններով:

«Մեր խաղաոճին հավատարիմ մնալով, մի փոքր էլ բախտի ուղեկցությամբ կարող ենք վաստակել երեք միավոր»,-նշել է Գոմեսը՝ հիշեցնելով, որ իրենք կարողացել են հաղթել Սևիլյայում և Բիլբաոյում:

Գոմեսը մի քանի խոսք ասաց նաև իրենց մարտավարության մասին. «Գլխավոր նպատակը մրցակցին տարածությունից զրկելն է՝ դրանով իսկ նվազեցնելով արագ հակագրոհների հնարավորությունը»:

«Փորձելու ենք հնարավորինս շատ գնդակ պահել, այդպիսով ավելի վստահ ու ապահով կզգանք խաղադաշտում»:

Realmadrid.am
As.com