«Ռեալ Մադրիդի» պորտուգալացի մարզիչ Ժոզե Մոուրինյոն հայտարարել է, որ բոլոր այն մարդիկ, ովքեր ասում են, թե «Ռեալ Մադրիդը» լավ ֆուտբոլ չի խաղում, ստում են՝ հավելելով նաև, որ մոտ ապագայում ինքը չի պատրաստվում հեռանալ «Ռեալից»:
«Ռեալը» ներկայումս գլխավորում է Լա լիգայի աղյուսակը՝ 16 խաղում վաստակելով 40 միավոր:
Որոշ մարդիկ, սակայն, կարծում են՝ «Ռեալի» խաղն այնքան տպավորիչ չէ, որքան ֆունկցիոնալ:
Պորտուգալացի մասնագետը հակադրում է այդ մարդկանց տեսակետին, քանի որ կարծում է, որ իր թիմի խաղը հաճույք է պատճառում երկրպագուներին, դրա համար էլ նայում են դրանք:
««Ռեալ Մադրիդը» շատ լավ է խաղում: Եթե ինչ-որ մեկն ասում է, որ մենք լավ ֆուտբոլ չենք խաղում, ապա ստում է»,- ասել է Մոուրինյոն:
«Մենք լավ ենք խաղում. մարդիկ ուզում են տեսնել մեր խաղը: Մենք ունենք «Սանտիագո Բեռնաբեու», մարզադաշտ, ուր ամեն խաղը լեփ-լեցուն է լինում՝ անկախ հակառակորդից. միայն մի քանի ազատ տեղ է լինում»:
Մոուրինյոն նաև անդրադարձավ՝ վերջերս մամուլում շրջանառվող իր հայտարարություններին՝ թիմը՝ մոտ ապագայում լքելու հետ կապված՝ նշելով, որ սխալ մեկնաբանություն է եղել լրագրողների կողմից:
«Այս ծրագիրը մի քանի լավ տարի է պահանջում՝ ի կատար ածվելու համար: Գալ ու խելացի աշխատելը դեռ բան չի որոշում, եթե հոգեպես չես նվիրվում նպատակներիդ: Այս ծրագրի համար ես տվել եմ իմ սիրտը, և հիմա հիմարություն կլինի մտածել կիսատ թողած ծրագրից ետ քաշվելու մասին»,- հստակեցրել է Մոուրինյոն:
«Ահա թե ինչու այս պատմությունը դեռ գրված չէ. ես այնտեղ եմ, ուր ուզում եմ լինել. ես նպատակներ ունեմ»:
Goal.com
Realmadrid.am
No comments:
Post a Comment
Հարգելի այցելուներ, բլոգի մեկնաբանությունների որակը բարձրացնելու և սպամ տարածելը կանխելու համար ձեր կողմից գրված մեկնաբանությունները տեղադրվելու են իմ կողմից դրանք վերանայելուց հետո: Եթե հնարավոր է գրեք հայերեն տառերով և ներկայացեք: